CT : கிரிக்கெட் தமிழ்

கிரிக்கெட் - சில சுவையான தகவல்கள் - பாகம் 2

2009-08-26T09:31:00.009+05:30

கிரிக்கெட் உலகத்துல சுவையான செய்திகளுக்கு பஞ்சமே இல்ல. அதுல எனக்கு தெரிஞ்ச சில தகவல்கள் இதோ....

1. T20, ODI, டெஸ்ட் இப்படி கிரிக்கெட்டின் மூன்று பரிணாமங்களிலும் சதம் அடித்த ஒரே வீரர், மேற்க்கிந்திய தீவுகளின் கிறிஸ் கெயில்.

2. இங்கிலாந்துக்கும் மேற்க்கிந்திய தீவுகளுக்கும் ஸ்கார்போரோ வில் நடந்த போட்டி. அப்போது ஹோல்டிங் எல்லைக் கோட்டில் இருந்து வீசிய பந்து, ஒரு பக்க ஸ்டம்புகளை அடித்து அதே வேகத்தில் சென்று மறு பக்க ஸ்டம்புகளையும் அடித்தது. கிரிக்கெட் வரலாற்றில் இவ்வாறு நடந்தது இதுவே ஒரே முறை.

3. ரமீஸ் ராஜா ஒரு முறை நோ-பாலில் பிடிபட்டார். அம்பயர் கூறிய நோ-பால் அறிவிப்பை சரியாக கேட்காமல் பெவிலியன் சென்று விட்டார். இறுதியில் அவர் ரன் அவுட் ஆகியதாக ஸ்கொயர் லெக் அம்பயர் அறிவித்தார்.

4. தான் விளையாடிய டெஸ்ட் போட்டிகளில் தான் எடுத்த விக்கெட்டுகளை விட குறைவான ரன்களை எடுத்த ஒரே வீரர் இந்தியாவின் பகவத் சந்திரசேகர்.

5. உலகின் மிக நீளமான கிரிக்கெட் போட்டி, இங்கிலாந்திற்க்கும் தென் ஆப்பிரிக்கவிற்க்கும் இடையே 1939ஆம் ஆண்டு டர்பனில் நடந்த 14 நாள் போட்டியே ஆகும். 14 நாட்கள் நடந்தும் போட்டி முடியவில்லை. அதற்கு அடுத்த நாள் இங்கிலாந்து அணி கிளம்ப வேண்டிய கப்பல் புறப்பட இருந்ததால் போட்டி முடித்துக்கொள்ளப் பட்டது. போட்டி முடியும் போது இங்கிலாந்து அணி ஐந்து விக்கெட் கைவசம் உள்ள நிலையில் 42 ரன் வெற்றிக்கு தேவைப்பட்டது.

6. உலகில் நான்கு டெஸ்ட் தொடர்கள் மட்டுமே 0-0 என்ற சமநிலையில் முடிந்துள்ளன. அதில் மூன்று தொடர்களில் இந்தியா உள்ளது.

7. டெஸ்ட் போட்டியின் ஒரே நாளில் அதிக ரன் குவித்த வீரர் சர் டான் ப்ராட்மேன். இங்கிலாந்திற்க்கு எதிராக லீட்ஸ் மைதானத்தில் அவர் எடுத்த ரன்கள் 309

8. இதுவரை 228 ரன்களில் யாரும் ஆட்டம் இழந்தது இல்லை.

9. கிரஹாம் யெல்லோப் (Graham Yallop). இவர் தான் கிரிக்கெட்டில் முதன் முதலாக ஹெல்மெட் அணிந்தவர்.

10. டெஸ்ட் மற்றும் ஒருநாள், இரண்டிலும் ஹாட்-ட்ரிக் சாதனை படைத்த முதல் மற்றும் ஒரே வீரர் பாகிஸ்தானின் வாசிம் அக்ரம்.

11. ஒரு பேட்ஸ்மேன் அவுட் ஆவதற்க்கான பத்து வழிகள்

1. கேட்ச்
2. போல்ட்
3. எல்.வி.ட்பில்யூ
4. ஹிட் விக்கெட்
5. டைம் அவுட்
6. பந்தை கையால் தொடுதல்
7. பீல்டிங் செய்வதை தடுத்தல்
8. பந்தை இருமுறை அடித்தல்
9. ரன் அவுட்
10. ஸ்டம்பிங்

சேவாக்கின் "தில்லி கலகம்"

2009-08-20T16:13:00.002+05:30

டில்லி ரஞ்சி அணி வீரர்களுக்கு நடந்த உடற்தகுதி பயிற்சி முகாமில் சேவக், காம்பிர், இஷாந்த் சர்மா போன்ற வீரர்கள் கலந்து கொள்ளவில்லை. இதனால் டில்லி அணியில் பிளவு ஏற்பட்டுள்ளதாக தெரிகிறது.

டில்லி கிரிக்கெட் சங்கம் (டி.டி.சி.ஏ.,) வீரர்கள் தேர்வில் ஊழலில் ஈடுபடுகிறது. இதனால் டில்லி அணியை விட்டு விலக இருப்பதாக இந்திய கிரிக்கெட் வீரர் சேவக் தெரிவித்து இருந்தார். "இது உண்மையல்ல. சேவாக் அணியில் தனது உறவினர்களை சேர்த்துக்கொள்ள பரிந்துரை செய்தார். அதை ஏற்றுக்கொள்ளாததால் இவ்வாறு புகார் கூறுகிறார்" என அணியின் தேர்வுக்குழு தலைவர் சேட்டன் சவுகான் தெரிவித்து இருந்தார்.

இந்நிலையில் சேவாக்கிற்கு ஆதரவாக களமிறங்கிய காம்பிர், இஷாந்த் சர்மா மற்றும் ஆஷிஸ் நெஹ்ரா போன்ற வீரர்கள்,"" வீரர்கள் தேர்வில் வெளிப்படையான அணுகுமுறை தேவை. இதில் மாற்றம் இல்லை எனில் வேறு அணிக்கு செல்ல தயங்க மாட்டோம்,'' என, மிரட்டல் விடுத்தனர்.

இந்நிலையில் டில்லி பெரோஸ்ஷா கோட்லா மைதானத்தில் நடக்கும் உடற்தகுதி முகாமில் சேவக், இவருக்கு ஆதரவு தெரிவித்த காம்பிர், இஷாந்த் சர்மா, ஆஷிஸ் நெஹ்ரா, ரஜத் பாட்டியா, மிதுன் மன்ஹாஸ், சைதன்யா ஆனந்த் ஆகிய 7 வீரர்கள் கலந்து கொள்ளவில்லை. இதுகுறித்து சேட்டன் சவுகான் கூறுகையில்,"" டில்லி அணியின் அனைத்து வீரர்களும் இங்கு வந்துள்ளனர். இதில் கலந்து கொள்ள முடியாத வீரர்கள், அதற்கான காரணத்தை தெரிவித்துள்ளனர். காம்பிர், ஆஷிஸ் நெஹ்ரா இருவரும் இன்று கலந்து கொள்வதாக தெரிவித்தனர். விளம்பர ஷூட்டிகிற்காக சேவக், கொச்சி சென்றுள்ளார். மற்ற வீரர்கள் இங்கிலாந்தில் விளையாடிக் கொண்டுள்ளனர்,'' என்றார்.

நன்றி : தினமலர்

மீண்டும் கிளம்புது பூதம்

2009-08-07T17:30:00.002+05:30

கிரிக்கெட் உலகில் அவ்வப்போது ஏதாவது ஒரு பூதம் கிளம்புவது வாடிக்கையாகி விட்டது. இப்போது கிளம்பி இருப்பது இரண்டு பூதங்கள். ஒன்று பாகிஸ்தான் அணியில் எழுந்துள்ள சூதாட்ட பிரச்சனை. அடுத்தது சர்வதேச ஊக்க மருந்து கட்டுப்பாட்டு அமைப்பான வாடா (wada) அமைப்புடன் இந்திய கிரிக்கெட் கட்டுப்பாட்டு வாரியத்துக்கு ஏற்பட்ட மோதல்.

முதலில் பாகிஸ்தான் அணியில் ஏற்பட்டுள்ள சூதாட்ட பிரச்சனை. உலக கோப்பை இறுதி போட்டியில் அபார வெற்றி. பின்பு அதே அணியுடன் போட்டித் தொடர். இதில் பாகிஸ்தான் அணி தோற்றிருந்தால் கூட இந்த அளவு பரபரப்பு ஏற்பட்டிருக்காது. ஆனால் பாக் அணி ஒரு போட்டியில் கூட வெற்றி பெற வில்லை என்பது தான் இந்த பிரச்சனையின் மூல காரணம்.

இந்த முறை சந்தேகத்தை கிளப்பி இருப்பவர், பாக் அணியின் முன்னாள் தேர்வாளர் என்பது தான் இந்த முறை பிரச்சனை விஸ்வரூபம் எடுக்க காரணம். அவருக்கு ஏற்பட்ட சந்தேகம் நியாயமானதே. டெஸ்ட் போட்டியில் ஒரு இன்னிங்ஸில் நன்றாக விளையாடிய ஒரு அணி அடுத்த இன்னிங்ஸில் சீட்டுக்கட்டு போல சரிவது இயல்பாக நடந்தது போல தெரியவில்லை.

அதே போல் இன்னொரு விஷயத்தையும் நாம் மறந்து விடக் கூடாது. பாகிஸ்தான் அணியில் என்றும் நிலையானது அதனுடைய நிலையில்லா தன்மையே ஆகும். அவர்கள் எப்போது வெல்வார்கள் எப்போது வீழ்வார்கள் என்பது யாராலும் கண்டுபிடிக்க முடியாது. எது எப்படியோ, கிரிக்கெட் மீது மீண்டும் கறை படியாமல் இருந்தால் சரி.

இரண்டாவது பிரச்சனை, சர்வதேச ஊக்க மருந்து கட்டுப்பாட்டு அமைப்பின் விதிமுறைகளில் இந்திய அணி வீரர்கள் கையெழுத்திடாதது. விளையாட்டுகளில் ஊக்க மருந்து பயன்பத்துவதை தடுக்கவும், அதனை சோதனை நடத்தி உறுதி படுத்தவும் சர்வதேச ஒலிம்பிக் கமிட்டியால் உருவாக்கப்பட்ட தன்னாட்சி அமைப்பு சர்வதேச ஊக்க மருந்து கட்டுப்பாட்டு அமைப்பு (wada). இந்த அமைப்பில் விளையாட்டு அமைப்புகள் தன்னை தானே இணைத்துக் கொள்ள வேண்டும்.

இதன் படி சர்வதேச கிரிக்கெட் கவுன்சில் (icc), wada அமைப்புடன் சேர்ந்து கிரிக்கெட் போட்டிகளில் ஊக்க மருந்து சோதனை நடத்த முடிவு செய்தது. இது தொடர்பான சுற்றறிக்கை மற்றும் வீரர்கள் கையெழுத்து இட வேண்டிய உறுதி மொழி பத்திரங்களையும் அனைத்து கிரிக்கெட் வாரியங்களுக்கும் அனுப்பி வைத்தது. இதற்கு ஜுலை 31 வரை கால அவகாசமும் கொடுத்தது.

ஆனால் இந்த ஒப்பந்தத்தில் இந்திய வீரர்கள் கையெழுத்து இட மறுத்து வருகின்றனர். இதற்கு காரணமாக அவர்கள் குறிப்பிடுவது, ஒப்பந்ததில் உள்ள ஒரு வரியை. "வீரர்கள் ஒவ்வொரு நாளும் தாங்கள் எங்கு, எங்கு சென்றோம் என்று தெரிவிக்க வேண்டும்" என்பது ஒப்பந்த விதி. இதை தான் இந்திய வீரர்கள் எதிர்க்கின்றனர். கிரிக்கெட் வீரர்களுக்கும் சொந்த வாழ்வு என்று ஒன்று உள்ளது. அதில் தலையிட கூடாது என்பது நம் வீரர்களின் வாதம்.

இதற்கு சர்வதேச அரங்கில் ஆதரவும் எதிர்ப்பும் ஒரு சேர வந்துள்ளது. அனைத்து விளையாட்டு வீரர்களும் wadaவின் இந்த விதிக்கு கட்டுப்பட்டே நடக்கின்றனர். இதற்கு கிரிக்கெட் வீரர்கள் மட்டும் விதிவிலக்கு ஆக முடியாது என்பது ஒரு சாரார் கருத்து. எனினும் இந்தியாவை பொறுத்த வரை கிரிக்கெட் என்பது ஒரு விளையாட்டையும் தாண்டி ஒரு மதம் போன்றது. இங்கு கிரிக்கெட் வீரர்கள் ஒரு நாளில் என்ன என்ன செய்கிறார்கள் என்பதை கூற இயலாது என்று மற்றொரு பிரிவினர் கூறுகின்றனர்.

இந்திய கிரிக்கெட் கட்டுப்பாட்டு அமைப்பும் (bcci) இந்திய வீரர்களின் இந்த நிலைப்பாட்டிற்க்கு ஆதரவு தெரிவித்துள்ளது. மேலும் கிரிக்கெட் ஆஸ்திரேலியா, கிரிக்கெட் தென் ஆப்ரிக்கா முதலிய அமைப்புகளும் இந்திய வீரர்களுக்கு ஆதரவுக் கரம் நீட்டியுள்ள்து. ஆனால் இந்திய அரசின் விளையட்டு அமைச்சகம் இந்திய வீரர்களின் முடிவுக்கு எதிர்ப்பு தெரிவித்துள்ளது. wada அமைப்பும் எந்த ஒரு குறிப்பிட்ட விளையாட்டிற்க்காகவும் தனது ஒப்பந்தத்தை மாற்ற இயலாது என திட்ட வட்டமாக அறிவித்து விட்டது.

இந்த இரண்டு பூதங்களும் என்ன செய்ய போகின்றன என்று பொறுத்திருந்து தான் பார்க்க வேண்டும்....

கிரிக்கெட் ஜோக்ஸ்

2009-07-14T15:30:00.003+05:30

கிரிக்கெட் பத்தி நான் படிச்ச சில ஜோக்ஸ் உங்களுக்காக....
இது சிரிக்க மட்டும்.

1. ட்வென்டி 20 வந்ததுக்கு அப்புறம் கிரிக்கெட் ரொம்ப விறுவிறுப்பா இருக்கு. அதே மாதிரி தேர்வுலயும் சில மாற்றங்கள் கொண்டு வரலாம்.

* தேர்வு நேரத்தை ஒரு மணி நேரமாகவும், மதிப்பெண்களை ஐம்பதாகவும் குறைக்க வேண்டும்.
* அரை மணி நேரத்திற்கு ஒரு முறை strategic time out விட வேண்டும்.
* Free hit முறைப்படி மாணவர்கள் தாங்களாகவே கேள்விகளை கேட்டு அதற்கு விடை எழுதலாம்.
* முதல் பதினைந்து நிமிடம் power play. அதாவது தேர்வு அறையில் கண்காணிப்பாளர்கள் இருக்க கூடாது.
* காப்பி அடிக்காத மாணவனை பாராட்ட fair play அவார்ட் தர வேண்டும்.
* ஒவ்வொரு சரியான விடைக்கும் மாணவனை பாராட்ட cheer girls நியமிக்க வேண்டும்.

2. பாகிஸ்தான் அணி 8 ஓவரில் 5 விக்கெட் கை வசம் இருக்க 1 ரன் எடுத்தால் வெற்றி. அப்போது பாகிஸ்தான் அணி தலைவரின் கவலை என்னவாக இருக்கும்?

" யா அல்லா! வெற்றி கோப்பை வாங்கும் போது எப்படி ஆங்கிலத்தில் பேசுவது? "

3. பாகிஸ்தான் அணியின் புதிய கிரிக்கெட் சீருடை.

4. IPL போட்டிகளுக்கு பிறகு ப்ரீத்தி ஜிந்தா......

கடைசில இந்த பொழப்புல கொண்டு வந்து விட்டுட்டானே யுவராஜ் படுபாவி .....

6. இந்தியன் இந்தியன்தான்

உத்தப்பா, கார்த்திக், யுவராஜ் மூணு பெரும் எதையோ தீவிரமா பார்க்க, நான் எல்லார்த்தையும் பார்த்துட்டேன்னு வேற பக்கம் திரும்பி பாக்குறாரு சச்சின்.

7. பாலைவனத்தில் ஸ்ரீ சாந்த்.

ஸ்ரீ சாந்த் மன்னிப்பாராக....

8. உலக கோப்பை இறுதி போட்டி.

யாரும் இல்லாத இடத்திற்கு அடிப்பதாக நினைத்து பந்தை அடித்தார் misbah-ul-haq.

ஆனால் அவருக்கு தெரியவில்லை, உலகின் ஒவ்வொரு மூலையிலும் ஒரு மலையாளி இருப்பான் என்பது.....

மீண்டும் சொல்கிறேன்.

இது சிரிக்க மட்டும் தான். சீரியசா எடுத்துக்காதிங்க....
.

யார் இந்த புக்கனன்?

2009-07-10T17:14:00.003+05:30

"சச்சின் ஒரு நல்ல பிளேயர் தான். ஆனா அவருக்கு twenty 20 விளையாட தகுதி இல்ல. T20 விளையாடுறதுக்கு திறமை மட்டும் இல்ல, சக்தியும் முக்கியம். அது சச்சின் கிட்ட இல்ல."

" யுவராஜ் சிங் இந்த கால கங்குலி ஆகனும்னு பார்க்கிறார். ஆனா கங்குலி கிட்ட இருந்த எதுவும் யுவராஜ் கிட்ட இல்ல."

" T20 கிரிக்கெட்டின் எதிர்காலம் பழமைவாதமும் ஒரு தலை பட்சமும் கொண்டு மனிதரிடம் ஒப்படைக்க பட்டிருக்கிறது. (சுனில் கவாஸ்கர், ஐ.பி.எல் தொழில்நுட்ப குழு தலைவர்)

" ஹர்பஜன் பிரச்சனைகள ஆரம்பிக்கறதுல கில்லாடி. ஆனா அதுக்கு அப்புறம் அந்த பிரச்சனைக்கும் தனக்கும் எந்த சம்பந்தமும் இல்லாத மாதிரி நடந்துக்குவாரு."

எல்லாம் எழுதி தன்னோட அடுத்த புத்தகத்த பரபரப்பாக்கற வேலைல இருக்காரு கொல்கத்தா நைட் ரைடர்ஸ் அணி கோச் ஜான் புக்கனன்.

இது மட்டும் இல்ல. பெங்களூர் ராயல் சேலஞ்சர் ஓனர் விஜய் மல்லையா கூட இதுல இருந்து தப்பிக்கல.

" விஜய் மல்லையா தன்னோட வீரர்கள விளையாடவோ, பயிற்சியாளர்கள பயிற்சி அழிக்கவோ விடல. பணம் மட்டும் தான் அவரோட குறிக்கோள்"

யார் இந்த புக்கனன்? நம்ம வீரர்கள பத்தி பேச அவருக்கு என்ன தகுதி இருக்கு?

உண்மைய சொல்லனும்னா வெறும் 7 டெஸ்ட் மேட்ச் மட்டும் தான் புக்கனன் ஆடி இருக்காரு. ஆஸ்திரேலியா அணியின் முன்னால் பயிற்சியாளர், கொல்கத்தா அணியின் முன்னால் பயிற்சியாளர். இந்த இரண்ட தவிர அவர் கிட்ட சொல்ற அளவுக்கு எதுவும் இல்ல.

இவரோட பயிற்சிக்கு கீழ ஆஸ்திரேலியா அணி நல்ல விளையாடுனாங்க. 15 போட்டிகளில் தொடர் வெற்றி. கிரிக்கெட் உலக கோப்பை வெற்றி அப்படின்னு நிறைய சாதனைகள் ஆஸ்திரேலியா செஞ்சபோது புக்கனன் அந்த அணியோட பயிற்சியாளரா இருந்தாரு.

ஆனா, கிரிக்கெட் உலகின் தலை சிறந்த வீரர்களான சுனில் கவாஸ்கர், இயன் சேப்பல், இவர் பயிற்சில ஆடுன ஷான் வார்னே எல்லோரும் இவர் திறமை மேல சந்தேகம் தெரிவிச்சு இருக்காங்க. அப்போ இருந்த ஆஸ்திரேலியா அணி மிக திறமையான வீர்கள் இருக்கற அணி. அங்க இவர் இருந்தது "காக்கா உடகார பனம் பழம் விழுந்த கதை"தான் என்பது முன்னால் வீரர்களின் கருத்து.

சுனில் கவாஸ்கர் மாதிரி பெரிய வீரர்கள பத்தி பேச புக்கனக்கு எந்த தகுதியும் இல்லைங்கறது தன் உண்மை.

அவர் இப்படி எழுதுனது வெறும் விளம்பரத்துக்காக மட்டும் தான். இதுக்காக நிச்சயம் அவர் மன்னிப்பு கேக்கணும்.

சில சுவையான தகவல்கள்

2009-07-06T17:02:00.004+05:30

தினமும் கிரிக்கெட் பத்தி வர்ற செய்திகள், போட்டி விமர்சனம் இப்படி எழுதியே போர் அடிக்குது. அதான் ஒரு சின்ன மாற்றமா கிரிக்கெட் பத்தின சில சுவையான சம்பவங்கள் உங்களுக்காக...

1. 1946 ஆம் ஆண்டு பிரிட்டிஷ் கயானா, பார்படாஸ் அணிகளுக்குள்ள நடந்த போட்டியில ஒரு ஓவர்ல 14 பால் வீசினாங்க. இதுல அதிசயம் என்னன்னா அதுல ஒரு பால் கூட வைடோ நோ பாலோ கிடையாது. அப்போ கிரிக்கெட்ல ஒரு ஓவருக்கு எட்டு பால். மீதி பால் எல்லாம், அம்பயரோட கவன குறைவால போட்டது.

2. 1997-98 ஆம் ஆண்டு பைசலாபாதில் நடந்த பாகிஸ்தான் தென் ஆப்ரிக்கா டெஸ்ட் போட்டியில் முஸ்தாக் அஹ்மத், பாட் சிம்காக்ஸ்ஸிர்கு பௌலிங் போட்டு கொண்டு இருந்தார். அப்போது ஒரு பந்து நடு ஸ்தம்ப்பில் அடித்தது. ஆனால் வெயில் காரணமாக உருகி ஒட்டி கொண்டு இருந்த bails stump இல் இருந்து கீழ விழ வில்லை. அதன் பிறகு சிம்காக்ஸ் அடித்த ரன் 81.

3. ஒரு நாள் போட்டியில் அதிவேக சதம் அடித்தவர் பாகிஸ்தானின் சாகித் அபிரிடி என்பது எல்லோருக்கும் தெரியும். அந்த சதத்தை அடிக்க அவர் பயன்படுத்திய பேட் வாக்கர் யூனிசிடமிருந்து கடன் வாங்கியது.

4. கிரிக்கெட்டில் இது வரை மாறாத ஒரே விதி கிரிக்கெட் பிட்சின் அளவு மட்டுமே.

5. 1946 ஒரு கவுன்டி போட்டி. இரண்டு ஓவர்கள் வீசப்பட்ட நிலையில், ஸ்லிப் திசையில் நின்று கொண்டிருந்த லீ ஹுட்டோன், பிட்சின் அளவு மாறி இருப்பதாக அம்பயரிடம் புகார் செய்தார். அம்பயர்கள் அளந்து பார்த்த போது பிட்ச் 22 யார்டுகளுக்கு பதிலாக 24 யார்டுகள் இருப்பது கண்டு பிடிக்க பட்டு, பின் வேறு ஒரு பிட்சில் ஆட்டம் நடந்தது.

6. மூன்றாவது அம்பயர் முறையில் முதலில் அவுட் ஆகியது சச்சின். ரன் அவுட் செய்தவர் ஜோண்டி ரோட்ஸ். அந்த போட்டியில் அடுத்த நாள் ஜோண்டி ரோட்ஸ் ரன் அவுட் ஆனார். அவுட் செய்தவர், வேறு யார், சச்சின் தான்.

7. 1986 ஒரு கவுன்டி மேட்ச். பந்தை அடித்து விட்டு ஓடும் போது பேட்டை விட்டு விட்டு ஓடினார் பேட்ஸ்மேன். அதில் மூன்று ரன்கள் எடுத்தனர். கீழே விழுந்த பேட்டை எடுத்த பௌலர் அதை வைத்து தன்னிடம் தூக்கி எறியப்பட்ட பந்தை தடுத்தார். கிரிக்கெட் விதிகளின் படி ஒரு பீல்டர் ஏதேனும் ஒரு பொருளை பயன்படுத்தி பந்தை தடுத்தால் பேட்டிங் அணிக்கு 5 ரன்கள் வழங்கப்படும். அதனால் அந்த பந்தில் அவர்கள் எடுத்த ரன்கள் 8.

8. 1975 உலக கோப்பை போட்டியில் 60 ஓவர்கள் நிலைத்து (?) நின்று ஆடிய சுனில் கவாஸ்கர் எடுத்த ரன்கள் 36. அந்த போட்டியின் முடிவு இந்தியா 203 ரன் வித்தியாசத்தில் இங்கிலாந்திடம் தோற்றது.

9. ஒரு நாள் போட்டிகளின் முதல் பந்தை போட்டவர் கிரகாம் மேச்கான்சே. எதிர் கொண்டவர் ஜெப் பைகாட்.

10. உலகின் முதல் டெஸ்ட் போட்டி நடந்த ஆண்டு 1877. ஆஸ்திரேலியா இங்கிலாந்தை 45 ரன் வித்தியாசத்தில் வென்றது. நூறு ஆண்டுகள் கழித்து நடந்த நூற்றாண்டு டெஸ்ட் போட்டியில் வந்த முடிவும் அதே தான்.

வெற்றி! வெற்றி! வெற்றி!

2009-07-04T10:33:00.003+05:30

நம்ம இந்திய அணியை இப்படி பார்த்து எவ்ளோ நாள் ஆச்சு. ரொம்ப நாளைக்கு அப்புறம் இந்திய அணியில இருக்கற எல்லா வீரர்களும் நேத்து தான் அவங்களோட உண்மையான திறமைய காட்டுனாங்க. என்ன ஒரு சின்ன குறை. வருண பகவான் வழக்கம் போல தன்னோட வேலைய காட்டிட்டார்.

மேட்ச் ஆரம்பிக்கும் முன்னாடியே தன்னோட வேலைய ஆரம்பிச்சுருச்சு மழை. போட்டி நடக்கும் போதும் நடுவுல அப்போ அப்போ வந்து பூச்சாண்டி காட்டிட்டு போச்சு. ஆனா இது எதுவும் ஒரு விறுவிறுப்பான ஆடாத பாதிக்கலை.

வழக்கமா பேட்டிங் எடுக்கற டோனி நேத்து டாஸ் ஜெயிச்ச உடனே பௌலிங் போடறோம்னு சொல்லிட்டார். சரி என்னதான் நடக்கும்னு பொறுத்திருந்து பார்ப்போம்னு பார்த்தேன்.

கெயில் வழக்கம் போல வானவேடிக்கை காட்ட ஆரம்பிச்சுட்டார். முதல் ஓவர்லையே பத்து ரன் எடுத்து அதிரடி ஆரபிச்சு வச்சார். நல்ல வேலையா நெஹ்ரா வந்து கெயில அவுட் ஆக்கிட்டாரு.

அதுக்கப்புறம் மேட்ச் முழுசா இந்தியா கைலதான். சர்வான் மட்டும் தனி ஆளா போராடி 62 ரன் அடிச்சார். கடைசில வெஸ்ட் இண்டீஸ் அவங்களுக்கு கிடைச்ச 27 ஓவர்ல 185 ரன் அடிச்சாங்க. நெஹ்ரா 3 விக்கெட் எடுத்து தான் இன்னும் முழு தகுதியோட தான் இருக்கேன்னு நிரூபிச்சிட்டார்.

அடுத்து வந்தாங்க நம்ம சிங்கங்கள். ஓவருக்கு 7 ரன்னுக்கு மேல தேவை பட்டுது. காம்பிர், கார்த்திக் ரெண்டு பெரும் பலமான அடித்தளம் கொடுத்தாங்க. அடுத்து டோனி வந்து தன்னோட வழக்கமான ஆடாத ஆட இந்தியா வெற்றி ரொம்ப எளிதுன்னு எல்லோரும் நினைச்சாங்க. ஆனா யுவராஜும் ரோகித் ஷர்மாவும் அடுத்து அவுட் ஆக, கொஞ்சம் டென்ஷன் ஆச்சு.

கடைசி ஓவர். வெற்றி பெற 11 ரன் தேவை. களத்தில் பதான், டோனி. முதல் பந்து. பதான் ஒரு ரன். டோனி களத்தில். டைலர் பந்து வீசுகிறார். புல் டாஸ் பந்து. மிட் விக்கெட் திசையில் தூக்கினார் டோனி. அது ஒரு சிக்ஸ். நடுவர் டுன்கன் இரு கைகளையும் மேலே உயர்த்த ஆர்பரித்தது இந்தியா.

அடுத்த மூன்று பந்தில் நான்கு ரன் எடுத்து ஒரு பந்து மீதம் இருக்க வெற்றி இலக்கை எட்டியது இந்திய அணி. ஆட்டம் இழக்காமல் 46 ரன் எடுத்த டோனி ஆட்ட நாயகனாக தேர்வு செய்ய பட்டார்.

வெஸ்ட் இண்டீஸ் 185/7 (27)

சர்வான் - 62
கெயில் - 27
நெஹ்ரா - 3/21

இந்தியா 159/4 (21.5)

கார்த்திக் - 47
டோனி - 46*
பெர்னார்ட் - 1/21

இந்தியா 6 விக்கெட் வித்யாசத்தில் வெற்றி (டக்வொர்த் - லூயிஸ் விதி )

என்ன கொடுமை சார் இது?

2009-07-02T11:16:00.003+05:30

இந்த வலைப்பூ கிரிக்கெட் பத்தின வலைப்பூ தான். ஆனா நம்ம தமிழ் நாட்ல நடக்கற சில சம்பவங்கள் என்ன இந்த மாதிரி எழுத வைக்குது. கிரிக்கெட் பத்தின தகவலுக்காக இங்க வந்தவங்க மன்னிக்கணும். இந்த பதிவு கிரிக்கெட் பத்தின பதிவு இல்ல.

தமிழ் நாடு +2 தேர்வு முடிவுகள் வெளியான நாள். மாணவர்கள் வாழ்க்கையை முடிவு செய்யும் நாள். மாணவர்கள் ஆர்வத்தோட இருந்தாங்க. ஆனா வந்த மார்க் அவங்க சந்தோஷத்த ரொம்ப நேரம் நீடிக்கல. சிலருக்கு எதிர்பார்த்ததைவிட அதிக மார்க் வந்து இருந்திச்சு. ஆனா சில பேருக்கு அவங்க நினைச்சத விட மிக குறைந்த மார்க் தான் வந்தது.

இந்த எக்ஸாம் ல மாநில அளவில் முதல் மதிப்பெண் பெற்றவர்கள் நான்கு பேர்.
அவங்க எடுத்த மதிப்பெண் 1183/1200. அவங்களுக்கு பள்ளி முதல் முதல்வர் அமைச்சர் வரை எல்லோரும் பரிசு கொடுத்து பாராட்டினாங்க.

ஆனா இப்போ விடை தாள் மறு மதிப்பீடு செஞ்சதுக்கு அப்புறம் சிவகங்கை மாவட்டத்தை சார்ந்த பாலமுருகன் என்கிற மாணவனுக்கு தமிழ் பாடத்துல 8 மதிப்பெண் வந்திருக்கு. இதனால அவனோட மொத்த மதிப்பெண் 1184 ஆகிடுச்சு. இப்போ அந்த மாணவன் தான் மாநிலத்தில் முதல் மாணவன். இது அந்த மாணவனுக்கு இன்ப அதிர்ச்சியா இருந்திருக்கும். ஆனா இது வரை முதல் இடத்தில் இருந்த அந்த நான்கு மாணவர்களின் மனம்....?

ஒரு பாடத்தில் ஒரு மாணவன் மறு மதிப்பீட்டில் 8 மதிப்பெண் பெறுகிறான் என்றால் அவன் தாளை முதலில் திருத்திய ஆசிரியர் எவ்வளவு கவன குறைவாக திருத்தி இருக்க வேண்டும்.

சரி, இது மொழிப்பாடம். மாணவனது கட் ஆப் மதிபெண்களை பாதிக்காது என்று சமாதானம் கூறி விடலாம். ஆனால் அண்ணா பல்கலைகழகத்திற்கு பள்ளிகல்வி துறை அனுப்பிய சுற்றறிக்கையில் 1300 மாணவர்களின் கட் ஆப் மதிப்பெண்கள் மாறி உள்ளதாக கூற பட்டுள்ளது.

இதில் கொடுமை என்ன என்றால், கட் ஆப் மதிப்பெண் கணிக்கிடப்படும் இயற்பியல், வேதியியல் மற்றும் கணிதம் ஆகிய பாடங்களை ஒவ்வொரு தாளையும் மூன்று ஆசிரியர்கள் மதிப்பீடு செய்கிறார்கள். மூவரின் பார்வை பட்டும் 1300 பேருக்கு மதிப்பெண் குறைவாக அளிக்கப்பட்டது எப்படி?

ஆசிரியர்கள் விழிப்புடன் இருந்தால் இந்த தவறுகள் நடைபெறுமா? இது மாணவர்களின் வாழ்க்கை என்பதை கூடவா ஆசிரியர்கள் மறந்து விட்டார்கள்?

இதில் மற்றொரு கொடுமை ஒரு தாளுக்கு ஒரு மாணவன் மறு மதிப்பீடு செய்ய விண்ணப்பம் செய்ய வேண்டும் என்றால் முதலில் அந்த தாளுக்கான விடை தாள் நகல் ரூபாய் 275 கட்டி பெற வேண்டும். மேலும் மறு மதிப்பீட்டிற்கு விண்ணப்ப கட்டணம் ரூபாய் 505 கட்ட வேண்டும்.

1300 பேர் முக்கிய பாடங்களில் மட்டும் மதிப்பெண் கூடுதலாக பெற்று இருக்கிறார்கள் என்றால், குறைந்தபட்சம் 2000 பேர் விண்ணப்பம் செய்து இருப்பார்கள். அதாவது 2000 x 775 = 1550000. பதினைந்து லட்சம் என்பது அரசை பொறுத்த வரை ஒரு சிறு தொகை போல தோன்றும். ஆனால் என்னை போன்ற மாணவர்களுக்குத்தான் அது எத்தனை பெற்றோரின் ரத்தம் என்பது தெரியும்.

முதலிலேயே ஆசிரியர்கள் சரியாக திருத்தி இருந்தால் மாணவர்களுக்கு இந்த செலவும் அலைச்சலும் இருந்திருக்காதே? இப்படி திருத்துவதற்கு சம்பளம் போதவில்லை என்று சில இடங்களில் போராட்டம் வேறு.....

தமிழ் தேசத்தின் ஆசிரியர்களுக்கு ஒரு ராயல் சல்யூட்.....

தோல்வியின் காரணம் என்ன?

2009-07-01T09:20:00.003+05:30

வெஸ்ட் இண்டீஸ் அணி உடன் முதல் போட்டியில் அபாரமாக ஆடிய இந்தியா அணி வீரர்கள் இரண்டாம் ஆட்டத்தில் நான் நீ என போட்டி போட்டு கொண்டு அவுட் ஆனார்கள். முதல் போட்டியில் நன்றாக ஆடிய இவர்களுக்கு இந்த போட்டியில் என்ன ஆனது.....
போட்டி முடிந்தவுடன் டோனி மைதானத்தை நாங்கள் சரியாக கணிக்காததே தோல்விக்கு காரணம் என்று கூறினார். இது ஓரளவுக்கு பொருத்தமான காரணம் என்றாலும் உண்மையான காரணம் வேறு.

T20 தாக்கம்: இருபது ஓவர் உலக கோப்பை போட்டி முடிந்தாலும் நம்ம வீரர்கள் இன்னும் அந்த மூடுல இருந்து வெளிய வரவே இல்ல. ஐம்பது ஓவர் போட்டில நின்னு ஆடுறது தான் முக்கியம் அப்படின்னு கோச் சொல்லி தரல போல இருக்கு.

Short pitch : உலக கோப்பைல இந்தியா வெளிய வர்றதுக்கு ஒரு முக்கியமான காரணம் ஷார்ட் பிட்ச் பால். அத எப்பிடி அடிக்கனும்னு நம்ம வீரர்கள் இன்னும் கத்துக்கல.

இது மட்டும் தான் தோல்விக்கான காரணம்னு சொல்லிற முடியாது. இன்னும் நிறைய காரணம் இருக்கலாம். ஆனா இந்த காரணத்த சரி பண்ணிட்ட இந்தியா கண்டிப்பா அடுத்த போட்டில வெற்றி பெரும்.

அரை இறுதியில் இந்தியா

2009-06-16T19:14:00.003+05:30

இந்திய அணி அரை இறுதிக்கு தகுதி பெற்று விட்டது .
நம்ப முடியுமா உங்களால்? எனக்கு ஏற்கனவே காது குத்தி விட்டார்கள் என்று கூறுகிறீர்களா? இல்லை இது உண்மை... தற்போது நடைபெற்று கொண்டிருக்கும் இருபது ஓவர் உலக கோப்பையில் இந்திய இனி அரை இறுதிக்கு தகுதி பெற்று விட்டது.

ஒரு சின்ன மாற்றம். வெற்றி பெற்றது இந்திய ஆண்கள் அணி அல்ல. பெண்கள் அணி.

ஆம். பெண்களுக்கான இருபது ஓவர் உலக கோப்பை போட்டிகள் இங்கிலாந்தில் நடை பெற்று வருவது தாங்கள் அறிந்ததே. அதில் இந்திய பெண்கள் அணி நேற்று முக்கிய போட்டியில் பலம் வாய்ந்த இலங்கை அணியை சந்தித்தது. இந்த போட்டியில் வெற்றி பெறும் அணி மட்டுமே அரை இறுதிக்கு செல்ல முடியும் என்பதால் போட்டி பரபரப்பாக இருந்தது.

டாஸ் வென்று முதலில் பேட் செய்த இலங்கை அணி நிர்ணயிக்கப்பட்ட 18 ஓவரில் 6 விக்கெட் இழப்பிற்கு 94 ரன் மட்டுமே எடுத்தது. தீபிகா மட்டும் சிறப்பாக ஆடி 24 ரன்கள் எடுத்தார். ருமேலி தர் 4 ஓவரில் 4 ரன் மட்டும் கொடுத்து 2 விக்கெட் வீழ்த்தினார்.

அடுத்து ஆடிய இந்திய அணி கேப்டன் மிதாலி ராஜ் மற்றும் புனம் ருட் ஆகியோரின் அபார ஆட்டத்தால் 16.5 ஓவரில் 5 விக்கெட் மட்டுமே இழந்து 5 விக்கெட் வித்யாசத்தில் வெற்றி பெற்றது.

இந்த வெற்றி மூலம் அரை இறுதி போட்டிக்கு இந்திய அணி தகுதி பெற்றது. நாளை நடைபெறும் அரை இறுதியில் மிக பலம் வாய்ந்த நியூஸிலாந்து அணியுடன் மோதுகிறது.
இந்திய கேப்டன் மிதாலி ராஜ்

இந்திய பெண்கள் அணிக்கு நமது வாழ்த்துக்கள்

நாங்களும் வெளி"நடப்பு" சாம்பியன் தான்

2009-06-15T10:24:00.002+05:30

இந்த உலக கோப்பையின் பலம் வாய்ந்த அணி. நிச்சயம் சாம்பியன் கோப்பையை தட்டி செல்லும் அணி. உலக கோப்பை போட்டி தொடங்கும் முன்னர் இந்திய அணியை பற்றி இப்படித்தான் கூறினார்கள். லீக் சுற்றில் ஆட்டம் ஏதோ பரவாயில்லை என்பது போல் தான் இருந்தது. ஆனால் சூப்பர் எட்டு சுற்றில் முதல் போட்டியில் பிராவோ சூறாவளியை சமாளிக்க முடியவில்லை. வெஸ்ட் இண்டீஸ் அணியிடம் சுருண்டது. முதல் போட்டியில் தோற்று இருந்த இங்கிலாந்து அணியுடன் கட்டாயம் வெற்றி பெற வேண்டும். மதில் மேல் இரு பூனைகள். ஒரு பூனை உள்ளே. மற்றொன்று வெளியே. கடும் சவாலுக்கு தயாரானது ஓவல் மைதானம்.

டாஸ் வென்று பௌலிங்கை தேர்ந்தடுத்தார் சூப்பர் கிங் டோனி. ஆரம்பத்துலையே விக்கெட் போனாலும் அப்புறம் போபராவும் பீட்டர்சன்னும் சேர்ந்து அடிச்சு எடுத்துட்டாங்க. யாருமே எதிர் பார்க்காம டீம்ல உள்ள வந்த ராஜஸ்தான் ராயல்ஸ் ரவி ஜடேஜா கடைசில கொஞ்சம் விக்கெட் எடுக்க, கூடவே ஹர்பஜன் சிங்கும் மூணு விக்கெட் எடுத்து இங்கிலாந்து அணிய 153 ரன்னுக்கு சுருட்டிடாங்க.

நம்ம கெமிஸ்ட்ரி இல்லாத ஒபனர்ஸ் உள்ள வந்தாங்க. காம்பிர் பொறுமையா ஆட ரோகித் அவசரப்பட்டு அவுட் ஆகிட்டாரு. அடுத்து வந்த சுரேஷ் ரெய்னாவும் ரொம்ப நேரம் உள்ள நிக்கல. ஓவல் பிட்ச் ரொம்ப பௌன்ஸ் ஆனதால நம்ம பாட்ஸ்மேன் ரொம்ப தினறிட்டாங்க. ரெய்னாவுக்கு அடுத்து ரவி ஜடேஜாவை இறக்கி எல்லோருக்கும் ஷாக் கொடுத்தாரு டோனி. ஆனா பிளான் தோத்து போச்சு. இந்திய தோத்ததுக்கு முக்கிய காரணமாகவும் அந்த முடிவு அமைஞ்சிடுச்சு. ஒரு வழியா காம்பிர் ஜடேஜா ரெண்டு பெரும் அவுட் ஆக யுவராஜும் தோனியும் உள்ள வந்தாங்க. இந்திய ஜெய்ச்சிடும்னு நினச்சா யூவராஜ் அவுட் ஆகிட்டாரு. கடைசி நேடதுல யுஸுப் கொஞ்சம் அடிக்க வெற்றிக்கு கிட்ட போயிட்டு வந்துது இந்திய அணி. ஆனா கடைசில 3 ரன் வித்யாசத்துல இங்கிலாந்து பூனை உள்ள குதிச்சிடுச்சு.

நடப்பு சாம்பியன் இப்போ வெளிநடப்பு சாம்பியன்

இந்தியா தோல்வி : யார் தவறு

2009-06-13T12:03:00.004+05:30

பிராவோ, நேத்து மேட்ச் பார்த்த எல்லாரும் சொன்ன ஒரே வார்த்தை இதுதான். கிறிஸ் கெயில் தான் அதிரடி சூறாவளி. வெஸ்ட் இண்டீஸ் பேட்டிங் மொத்தமா அவரை தான் நம்பி இருக்காங்க. அவரை மட்டும் அவுட் ஆக்கிட்ட இந்தியா வின் ஆகிடும்னு எல்லோரும் (அட, நானும் தாங்க) சொன்னாங்க. ஆனா எல்லோர் கண்ணுலையும் மண்ண தூவிட்டு மேன் ஆப் தி மேட்ச் அவார்ட வாங்கிட்டு போய்ட்டாரு பிராவோ.

சரி மொதல்ல விஷயத்துக்கு வருவோம். நேத்து இந்தியா மேட்ச் அப்படிங்கறதால தூக்கத்துக்கு டாட்டா சொல்லிட்டு டி.வி. முன்னாடி உட்காந்திருந்தேன். லார்ட்ஸ் கிரிக்கெட் மைதானம். கிரிக்கெட்டோட தாயகம். டோனி டாஸ் ஜெயிச்சாரு. எல்லாரும் எதிர் பார்த்த மாதிரியே பேட்டிங் செய்றோம்னு சொன்னாரு. வந்தாங்க நம்ம புது ஓபனிங் ஜோடி. அவ்வளவுதாங்க ஞாபகம் இருக்கு. திடீர்னு பார்த்த மூணு விக்கெட் போச்சுன்னு சொல்றாங்க. நம்ம ஆளுங்கள நம்பவே முடியல.

சரி இனிமேலாவது அடிப்பாங்கன்னு ஒரு நப்பாசைல ஒரு டீய குடிச்சிட்டு வந்து உட்கார்ந்தேன். ம்ஹும். அடிக்கவே மாட்டேன்னு வீட்ல சத்தியம் பண்ணிட்டு வந்திருப்பாங்க போல இருக்கு. அஞ்சாவது ஓவர்ல அடிச்ச 4 தான். அதுக்கப்புறம் ஒரு 4 அடிக்க நம்ம ஆளுங்களுக்கு 7 ஓவர் தேவ பட்டுச்சு. நல்ல வேலையா கடைசி நேரத்துல யுவராஜ் கொஞ்சமாவது அடினா என்னன்னு சொன்னாரு. யுஸுப் அண்ணன் அவசரப்பட்டு அவுட் ஆகிட்டாரு. சரி யுவராஜ் இருக்காரேன்னு மனச தேத்திகிட்டா அவரும் அவுட் ஆகி ஷாக் கொடுத்துட்டாரு. நல்ல வேலை பஞ்சாப் சிங்கம் பாஜ்ஜிகும் பேட்டிங் தெரியும். அதனால ஒரு நல்ல ஸ்கோர் எடுத்தோம்.

அப்புறம் உள்ள வந்தாங்க வெஸ்ட் இண்டீஸ் டீமோட ஒபனர்ஸ். வந்தாங்க அடிச்சாங்க. அவ்வளவுதான் தெரியும். பொசுக்குன்னு வெஸ்ட் இண்டீஸ் வின் அப்படின்னு சொல்லிட்டாங்க.

சரி மேட்டர்க்கு வருவோம். இந்தியா ஏன் தோத்தாங்க? பேட்டிங் சரி இல்லையா இல்ல பௌளிங்க்ள ஏதாவது பிரச்சனையா?

நீங்க தான் சொல்லணும் .......

வரட்டா.... நாளைக்கு பார்ப்போம்....

நன்றி! நன்றி! நன்றி!

2009-06-13T10:11:00.002+05:30

வலை பதிவு அப்பிடினா என்னனே தெரியாத என்னோட பதிவையும் ஆரம்பிச்சு 5 நாள்ல 250 பேர் பார்த்துருக்காங்க. இதுக்கு உறுதுணையா இருந்த தமிழ்வெளி, தமிலிஷ், தமிலெர்ஸ், நெல்லை தமிழ், தமிழ் 10, நியூஸ் பானை எல்லா இணையத்துக்கும் என்னோட நன்றி. மேலும் என்ன எழுதறதுக்கு தூண்டுன பதிவர்களான ஓசை செல்லா அண்ணன், டக்லஸ் அண்ணன், சாய்தாசன், பொன்மலர் இவங்க எல்லோருக்கும் நன்றி. அப்புறம் என்னாலயும் பதிவு எழுத முடியும்னு அதுக்கு ஹெல்ப் பண்ணுன என் நண்பன் நிர்மல் எல்லார்க்கும் என்னோட கோடானு கோடி நன்றி. என் எழுத்துல பிழை இருந்தாலும் (சின்ன பையங்க. தப்பு வரத்தான் செய்யும்) அத எல்லார்த்தையும் பொறுத்துக்கிட்டு படிக்கற உங்க எல்லோருக்கும் நன்றி. உங்க ஆதரவும் ஆசீர்வாதமும் எனக்கு எப்பவும் தேவை.

வரட்டா. மறுபடியும் பாப்போம்......

உலக கோப்பையும் தொலைக்காட்சியும்

2009-06-12T09:25:00.002+05:30

தொலைக்காட்சிகளில் ஒளிபரப்பாகும் இந்திய அணியின் ஒற்றுமைக்கு எதிரான செய்திகளை பற்றி வலை பதிவில் எழுதும் போதே எனக்குள் ஒரு கேள்வி. அதே தொலைகாட்சியில் கிரிக்கெட்டை பற்றிய சில நல்ல நிகழ்ச்சிகளும் இருக்கிறதே, அதி பற்றியும் எழுத வேண்டும் என்று தோன்றியது. அத்தகைய சில நிகழ்ச்சிகள் இங்கே.

இந்த உலக கோப்பை போட்டிகளை நேரலை செய்யும் சேனல் ஸ்டார் கிரிக்கெட். ஆனால் இதில் உலக கோப்பைக்கான பிரத்யேக நிகழ்ச்சிகள் சொல்லும் படி இல்லை. மேட்ச் போடறதுக்கு முன்னாடியும், மேட்ச் கு அப்புறமும் வர்ற கிரிக்கெட் எக்ஸ்ட்ரா ப்ரோக்ராம் மட்டும் கொஞ்சம் பரவாயில்லை. அதுலயும் நம்ம கங்குலி வருவார்னு சொன்னாங்க. ஆனா கும்ப்ளே மட்டும் தான் வந்துகிட்டு இருக்கார்.

தேர்தல் நேரத்துல அதிக பேர் பார்த்த சேனல் அப்படிங்கற ஒரே பிட்டையே இன்னும் ஓட்டிகிட்டு இருக்காங்க. கிரிக்கெட் நியூஸ் கொஞ்சம் கம்மினாலும் பரவாயில்ல. நிஷாந்த் அரோரா மட்டும் இங்கிலாந்து போய் அப்டேட் தர்றாரு. லோக்கல் கவரேஜ் ஐ.பி.எல். அளவுக்கு இல்லன்னு தான் சொல்லணும்.

என்.டி.டி.வி. பொறுத்த வரைக்கும் ஸ்பெஷல் ப்ரோக்ராம் கு பஞ்சமே இல்ல. காலைல ஆறு முப்பது மணிக்கு ஆரம்பிச்சு நிறைய ப்ரோக்ராம் வச்சிருகாங்க. ஆன் தி ஸ்பாட் கவரேஜ் நல்ல இருக்கு. ஆனா இதுலயும் ஐ.பி.எல். பண்ணின அளவுக்கு உலக கோப்பைக்கு பண்ணல.

எந்த மேட்ச் ஆ இருந்தாலும், அதுல இந்திய விளையாடுதோ இல்லையோ தலைப்பு செய்தி லையே வந்துடும். ஆனா ஆன் தி ஸ்பாட் கவரேஜ் கொஞ்சம் வீக் தான். இங்கிலாந்து ல இருந்து வர்ற நியூஸ் ரிப்போர்ட் கிளியரா இல்ல. மத்த எல்லா விஷயத்துலயும் டைம்ஸ் நவ் பாஸ்.

இங்கிலீஷ் சேனல்க்கு சமமா தமிழ்ல உலக கோப்பை பொட்டிய கவர் பண்ற ஒரே சேனல் கலைஞர் செய்திகள் தான். தினமும் நைட் ஒன்பது மணிக்கு 21 வது ஓவர்னு ஒரு நேரலை ப்ரோக்ராம் ரொம்ப நல்லா இருக்கு. இங்கிலாந்து ல இருந்து ஒரு ரிப்போர்ட்டர் கூட லைவ் ல பேசுறது தமிழ் சேனல்சுக்கு புதுசு.

வீரு வெளியே! பிரச்சனை உள்ளே!

2009-06-10T15:43:00.009+05:30

இந்த வலை பதிவை ஆரம்பிக்கும் முன்னாடி எல்லோருக்கும் ஒன்னு சொல்லிடறேன். நான் எந்த குறிப்பிட்ட சேனல் யோ இல்ல தனி நபரையோ ஆதரிச்சோ எதிர்த்தோ பேச போறது இல்ல. ஆனா நம்ம விளையாட்டு உலகத்துல இப்போ நடக்கிற சில நிகழ்வுகள் என்ன அப்பிடி பேச வைக்குது.

வீரேந்தர் சேவாக், கொஞ்ச நாள் முன்னாடி வரைக்கும் இவர் மேட்ச் ல விளையாடுவாரா மாட்டாரா அப்பிடிங்கற கேள்வி எல்லார் மனசுலயும் இருந்துச்சு. அப்போ அத வச்சு காசு பாக்க நினைச்ச சில டிவி சேனல் பத்திரிக்கை கம்பெனிங்க சேவாக் டோனி ரெண்டு பேருக்கும் சண்டைனு பெருசா போட்டு அவங்க போனி பண்ணிகிட்டாங்க. அதுலயும் ஒரு இங்கிலீஷ் சேனல் ஒன்னு ரொம்ப ஓவரா போய் "ரெண்டு பேருக்கும் பிரச்சனை பெருசாகி டுச்சு. டோனி கேப்டன் பொறுப்புல இருக்கிற வரைக்கும் சேவாக் விளையாட மாட்டருங்க்ற" ரேஞ்சுக்கு பில்ட் அப் கொடுத்தாங்க.

ஆனா அதுக்கு அடுத்த நாளே, நாங்க எல்லாம் ஒத்துமையா இருக்கோம்னு எல்லா வீரர்களையும் கூட்டிட்டு வந்து, டோனி பிரஸ் மீட் கொடுத்தாரு. சரி பிரச்சனை இதோட முடிஞ்சுடும்னு பார்த்தா, அத இன்னும் எச்சா கிளருறாங்க நம்ம மீடியா காரங்க.

இங்கிலீஷ் சேனல் தான் இப்புடி சொல்றாங்களே தமிழ் சேனல் எதாவது பார்க்கலாம்னு வச்சேன். நம்ம ஆளுங்க தான் எதையும் ஒன்னுக்கு ரெண்டா செய்வாங்களே. இந்த விஷயத்துல கேக்கவா வேணும்? ரெண்டு நாளைக்கு முன்னாடி ஒரு தமிழ் சேனல் நியூஸ் பார்த்துக்கிட்டு இருந்தேன். அதுல வந்த நியூஸ். " இந்திய அணியில் விரிசல் வலுக்கிறது. கேப்டன் தோனிக்கு எதிராக சேவாக், ரோகித் ஷர்மா உட்பட மூன்று வீரர்கள் போர்க்கொடி." நியாயமாங்க இது.

நேத்து பிரஸ் மீட்ல தோனி கிட்ட இதே கேள்விய கேட்டாங்க. மொதல்லையே அவர் தெளிவா சொல்லிட்டாரு. "சேவாக்க பத்தி எதுவா இருந்தாலும் BCCI சொல்லுவாங்க. என்கிட்ட எதவும் கேட்காதிங்க. இப்போதைக்கு உங்ககிட்ட என்னால எதுவும் சொல்ல முடியாது". ஆனா நம்ம மீடியா காரங்க அத பதியே திரும்ப திரும்ப கேட்டுகிட்டு இருந்தாங்க. ஒரு மனுஷன் எவ்வளவு தாங்க அமைதியா இருப்பாரு. ஆனா அப்பவும் தோனி அமைதியா தான் ஒரு பார்வை பார்த்தாரு. அத நம்ம மீடியா காரங்க ஆ... ஊ... ன்னு பெருசா சொல்றாங்க.

நல்ல வேலையா சேவாக் இனிமேல் விளையாட மாட்டார்னு BCCI நேத்து அறிவிச்சுட்டாங்க. சேவாக்கும் ஐ.பி.எல். அரை இறுதி விளையாடும் போது அடி பட்டுச்சுன்னு தெளிவா சொல்லிட்டாரு. அப்பாடா! ஒரு வழியா பிரச்சனைக்கு ஒரு புல் ஸ்டாப் வச்சாச்சுன்னு நினைச்சு நெட் ஓபன் பண்ணினேன்.
அதே இங்கிலீஷ் நியூஸ் சேனல் வெப்சைட்.....
இன்னிக்கு டாபிக்.......

"காயம் ஏற்பட்டதை உறுதி படுத்தினார் சேவாக். ஆனால் இதை ஏன் அவர் முன்னமே சொல்ல வில்லை"

சத்தியமா இவங்க திருந்த மாட்டாங்க...
நீங்க என்ன சொல்றிங்க...

ஆஸி அவுட்

2009-06-09T11:51:00.002+05:30

சில வருடங்களுக்கு முன்பு வரை இதை யாரும் எதிர் பார்த்திருக்க மாட்டார்கள். (ஒரு காலத்தில்) உலகின் மிக பலம் வாய்ந்த அணியாக கருதப்பட்ட ஆஸ்திரேலியா அணி உலக கோப்பை போட்டியின் லீக் சுற்றிலேயே வெளியேற்ற பட்டு விட்டது.

வெற்றி பெற்றே ஆக வேண்டிய கட்டாயத்தில் ஆஸ்திரேலியா. உலக கோப்பை தொடக்கத்தை ஸ்டைல்ஆக ஆரம்பிக்கும் எண்ணத்தில் இலங்கை. மீண்டும் ஒரு மோதலுக்கு தயாரானது ட்ரெண்ட் பிரிட்ஜ். டாஸ் வென்றார் சங்ககாரா. இலங்கை பீல்டிங் செய்ய தீர்மானித்தார். வானிலை மிகவும் நன்றாக இருந்தது. ஆனால் பேட்டிங் கிற்கு சாதகமான பிட்சில் சங்ககாரா பௌலிங் செய்ய தீர்மானித்து சற்றே வினோதமாக தோன்றியது.

டேவிட் வார்னேரும், ஷான் வாட்சனும் உள்ளே வந்தனர். ஏற்கனவே பௌலிங்கை எடுத்து பரபரப்பை ஏற்படுத்திய சங்ககாரா முதல் ஓவரை வீச ஏஞ்சலோ மாதேவ்சை அழைத்தால் மேலும் விறுவிறுப்பு ஏற்பட்டது. ஆனால் நான்காவது பந்திலேயே வார்னரை காலி செய்து தன்னை தேர்ந்தெடுத்து சரிதான் என நிரூபித்தார் மாதேவ்ஸ்.

பின்னர் ஜோடி சேர்ந்த கேப்டன் பாண்டிங் 6 ஓவர் வரை களத்தில் நின்றார். பின் அவருக்கும் பொழுது போகாமல் பெவில்லியன் நோக்கி நடையை கட்டினார். பின்னர் ரன் குவிக்கும் முயற்சியில் ஆஸி அணியினர் அடுத்தடுத்து விக்கெட்டுகளை இழந்தனர். கடைசியில் ஒரு ஆஸி அணி வீரர் கூட 30 ஐ தொடவில்லை. இறுதியாக ஆஸி 159/9 என்ற ஸ்கோருடன் முடித்து கொண்டது.

160 எடுத்தல் ஆஸ்திரேலியாவை வீட்டுக்கு அனுப்பி விடலாம் என்று உள்ளே வந்தனர் இலங்கை அணியின் தில்ஷானும் ஜெயசூரியாவும். ஆனால் இலங்கைக்கும் அதிர்ச்சி காத்திருந்தது. தான் வீசிய மூன்றாவது ஓவரின் முதல் பந்திலேயே அபாயகரமான ஜெயசுரியாவை வெளியேற்றினார் பிரெட் லீ. ஆனால் அந்த ஓவரின் கடைசி இரண்டு பந்தையும் பௌண்டரிக்கு விரட்டி தனது ஆத்திரத்தை தீர்த்து கொண்டார் அடுத்து களம் இறங்கிய கேப்டன் சங்ககாரா.

கேப்டன் உடன் 10 ஓவர் வரை கம்பெனி கொடுத்த டில்ஷான் அவுட் ஆக உள்ளே நுழைந்தார் ஜெயவர்தனே. ஜெயவர்தனே வும் அவரை தொடர்ந்து வந்த சமரசில்வா வும் சீரான இடைவெளியில் அவுட் ஆனாலும் மறுபுறம் நங்கூரம் பாய்ச்சி நின்ற கேப்டன் ஆஸியை வீட்டுக்கு அனுப்பும் பொறுப்பை ஒற்றை ஆளை முடித்தார். 42 பந்தில் 55 ரன்கள் குவித்து ஆட்ட நாயகன் விருதையும் தட்டி சென்றார்.

இறுதியில் முடிவு 50 ஓவர் போட்டியில் உலக சாம்பியன் ஆஸ்திரேலியா 20-20 போட்டியில் சூப்பர் எட்டு சுற்றுக்கு கூட செல்ல முடியாமல் பரிதாபமாக வெளியேறியது

ஆஸ்திரேலியா அணிக்கு எங்களது ஆழ்ந்த அனுதாபங்கள்!

T20 பெண்கள் உலக கோப்பை

2009-06-08T19:02:00.003+05:30

ஆண்களுக்கான உலக கோப்பை பரபரப்பாக நடந்து கொண்டிருக்க, நாங்களும் அவர்களுக்கு சளைத்தவர்கள் அல்ல என்று பெண்கள் அணியினரும் கலாம் இறங்கி விட்டனர். ஆண்களுக்கு பெண்கள் சமம் என்று பல ஆண்டுகளாக கூறி வந்தாலும் உண்மையில் அதனை நாம் மறந்து விட்டோம். நமது இந்தியாவில் கடந்த பல ஆண்டுகளாகவே ஒரு குரல் ஒலிக்கின்றது. கிரிக்கெட்டிற்கு தரும் மரியாதையை வேறு விளையாட்டுகளுக்கு தருவதில்லை என்று மாற்ற விளையாட்டு வீரர்கள் குற்றம் சாட்டி வந்தனர். ஆனால் கிரிக்கெட்டிலும் ஆண்கள் விளையாடும் போட்டு உள்ள மதிப்பும் ஆர்வமும் பெண்கள் போட்டிக்கு இருப்பது இல்லை என்பதே உண்மை.

பெண்கள் போட்டியில் வேகம் இல்லை என்று கூறலாம். ஆனால் நமது ரசிகர்கள் வேகத்தை அடிப்படையாய் கொண்டு போட்டியை பார்பவர்கள் அல்ல. காரணம் நமது தேசிய விளையாட்டு ஹாக்கி உலகிலேயே மூன்றாவது வேகமான விளையாட்டு போட்டி. ஆனால் அதை விட்டு கிரிக்கெட்டை பார்பதற்கு காரணம் நமது ரசிகர்கள் மட்டும் அல்ல. குற்றம் செய்பவனை விட குற்றம் செய்ய தூண்டுபவனே குற்றவாளி ஆவான்.

அந்த வகையில் இதற்கு காரண கர்த்தா மீடியா என்பதே என் கருத்து. ஆண்கள் கிரிக்கெட்டிற்கு தரப்படும் முக்கியத்துவத்தை பெண்கள் கிரிக்கெட்டிற்கு தர மீடியா மறுக்கிறது. ஆண்கள் கிரிக்கெட்டிற்கான நேரடி ஒளிபரப்பை கோடி கோடியை கொடுத்து வாங்கிய மீடியா நிறுவனங்கள், பெண்கள் உலக கோப்பை பொடி நடப்பதையே மறந்து விட்டனர்.

சற்று முன் நடந்து முடிந்த பெண்கள் 50 ஓவர் உலக கோப்பையில் இந்திய அணி மூன்றாவது இடம் பிடித்ததை வெளியிட எந்த மீடியாவும் முன்வரவில்லை என்பதே உண்மை.

அதிரடி ஆரம்பம்

2009-06-07T10:35:00.002+05:30

ட்ரெண்ட் பிரிட்ஜ் கிரிக்கெட் மைதானம் ரசிகர்கள் கூட்டத்தால் நிரம்பி வழிந்தது. இந்திய கேப்டன் டோனி, பங்களாதேஷ் கேப்டன் அஸ்ரபுல் இருவரும் மைதானத்திற்குள் வந்த போது ரசிகர்களின் ஆரவாரம் விண்ணை பிளந்தது. நடப்பு சாம்பியன் இந்திய அணிக்கு முதல் போட்டி என்பதாலும், 2007 உலக கோப்பை போட்டியில் இருந்து இந்திய அணியை வெளியேற்றிய பங்களாதேஷ் அணியுடனான போட்டி என்பதாலும் இந்திய அணி ரசிகர்கள் சற்றே பதற்றத்துடன் இருந்தனர்.

டாஸ் வெற்றி பெற்று டோனி பேட்டிங் செய்ய முடிவு செய்தார். சேவாக் விளையாட முடியாததால் தொடக்க ஆட்டகாரராக பயிற்சி போட்டியில் விளையாடிய ரோகித் ஷர்மா இந்த முறையும் காம்பிருடன் இறங்கினர். ஆரம்பமே அதிரடியாய் அமைந்தது. ஒரு முனையில் ரோகித் கலக்க மறு முனையில் அவருக்கு துணையாய் வேடிக்கை பார்த்தார் காம்பிர். எனினும் இவர்கள் பேட்டிங் சற்று மந்தமாகவே இருந்தது.

ரோகித் ஷர்மா அவுட் ஆக அவருக்கு பதில் வந்தார் டோனி. அவரும் தனது அதிரடியை கொஞ்சம் அடக்கி வாசித்ததால் இந்திய ரசிகர்கள் வெறுப்பின் உச்சிக்கு சென்றனர். கடைசியாக டோனி, காம்பிர் இருவரும் அவுட் ஆக உள்ளே வந்தார் யுவராஜ் சிங். சிங்கம் சரியான நேரத்தில் வந்து சரியாக பாய வெடவெடத்து போனது பங்களாதேஷ் பந்து வீச்சாளர்களுக்கு. தனது முதல் இரண்டு பந்துகளிலும் சிக்ஸர் அடித்து கணக்கை துவக்கினர் யுவி. ஒரு பந்து இடைவெளி விட்டு மீண்டும் சிக்ஸர் அடித்து ரசிகர்களை நிம்மதி பெருமூச்சு விட வைத்தார் சிக்ஸர் சிங்கம்.

சிறிது நேரமே களத்தில் இருந்தாலும் வானவேடிக்கை நிகழ்த்தினார் யுவி. வந்தார் சென்றார் என ரெய்னா வெளியேற கடைசி மூன்று பந்தை பிடிக்க உள்ளே வந்தால் இர்பான். அண்ணன் யூசுப் உடன் சேர்ந்து இந்திய அணியின் ஆட்டத்திற்கு finishing டச் கொடுக்க வந்தார். கமெண்டரி செய்த ரமிஸ் ராஜா யுஸுப் தான் சிறந்த பினிஷிங் டச் கொடுக்க முடியும் என்று சொல்லி முடிப்பதற்குள் ஒரு சிக்ஸர் ஒரு பவுண்டரி என அடித்து தான் அண்ணனுக்கு நிகரானவன் என நிரூபித்தார் இர்பான். இறுதியில் இந்திய அணியின் ஸ்கோர் 180 ஐ தொட்டிருந்தது.

பின்னர் களம் கண்ட பங்களாதேஷ் அணி வெற்றி பெற சற்றே முயற்சி செய்தலும் ஓஜா வின் அபார பௌலிங் அவர்களை தீர்த்து கட்டியது. சித்திக் 22 பந்தில் 41 ரன் அடித்து யுவராஜுக்கு நான் சளைத்தவன் அல்ல என்று கூறினாலும் அணியின் மாற்ற வீரர்களின் ஒத்துழைப்பு இல்லாததால் சீரான இடைவெளியில் விக்கெட்டுகள் விழுந்தன. முடிவில் 20 ஓவர்களில் 155 ரன்கள் மட்டுமே எடுத்து 25 வித்யாசத்தில் தோற்றது. யுவராஜ் இரண்டு அபாரமான கேட்ச் பிடித்து மேன் ஆப் தி மேட்ச் பரிசிற்கு அடித்தளம் அமைத்தாலும் அவர் கோட்டை விட்ட ஒரு அழகான கேட்ச் அவரை அந்த விருதின் அருகில் விட வில்லை. நான்கு விக்கெட்டுகளை கைப்பற்றிய ஓஜா மேன் ஆப் தி மேட்ச் ஆக செலக்ட் ஆக உற்சாக வெள்ளத்தில் மிதந்தது இந்திய அணி.

இந்த வெற்றியின் மூலம் இந்திய அணி சூப்பர் எய்ட் சுற்றுக்கு தகுதி பெறுவது உறுதியாகி விட்டது. இனி அயர்லாந்து உடனான இரணடாவது லீக் போட்டியில் சாதனைகளை படைக்க தயாராய் உள்ள இந்திய அணிக்கு நமது வாழ்த்துக்கள்.